rinai pambasuah luko.....,

Oh Tuhan.. Ampunkan denai..
Suratan diri nan den sasali..
Dek padiahnyo luko hati..
Mimpi-mimpi acok mamanciang tangih..
putuih aso den raso i..

Kadang-kadang den batanyo ka diri..
Untuak apo jantuang nan jo hati..
Kadang-kadang den bisiakkan ka diri..
Tutuikkan pintu rindu di hati..

di laia sajo tampaknyo sanang..
di batin luko denai suruakkan..
Mangko den acok balangang-langang..
Tuhan dangalah nyanyian malam..

Oh.. Tuhan Ubekkan denai..
Buliah nak den tampuah galanggang rami..
Nak den hapuih mimpi-mimpi..
Buruang murai lai bakicau pagi..
Ombak pun dapek manari..

Tolong rinai kan hujan ko tido
den tampuang untuak pambasuah luko..